Saga sundsins

Um Urriðavatnssundið

Einhverjar sagnir eru af því að vatnið hafi verið nýtt til sundiðkunar af fólki sem bjó á bökkum þess, en það verður að svo stöddu ekki rakið nánar hér.

Það var svo sumarið 2010 að Eiríkur Stefán Einarsson sem fæddur er og uppalinn á bænum Urriðavatni við norðurenda vatnsins þreytti Urriðavatnssund fyrstur manna að því er best er vitað. Það hefur hann gert hvert sumar síðan, alls þrisvar; 2010, 2011 og 2012. Eiríkur hefur synt vatnið endilangt frá suðri til norðurs og tekið land í túninu heima ef svo má segja. Í fyrsta sinn synti hann einn, en árið 2011 synti með honum Sigfús Kári Baldursson og luku þeir báðir sundinu.

Sumarið 2012 varð svo óvænt fjölgun, því þá hófu 4 menn sundið með Eiríki, þeir Elmar Logi Einarsson (bróðir Eiríks), Rúnar Þór Þórarinsson, Sigfús Kári Baldursson og bróðir hans Hjálmar Baldursson. Einungis 2 þessara kappa náðu að ljúka sundinu, þeir Eiríkur og bróðir hans Elmar. Aðstæður voru ekki eins og best var á kosið, mótalda var nokkur og dró það mikið úr mönnum. Hinir syntu ca. hálfa leiðina, sem er glæsilegt enda u.þ.b. jafnlangt einni þriggja sundleiða sem verður í boði 27. júlí 2013 eða um 1300 m. Í öll skiptin hefur bátur fylgt sundmönnunum.
Þannig er komin fyrsti vísir að hefð á Urriðavatnssundi, þökk sé Eiríki Stefáni og félögum hans fram að þessu. Á grundvelli þess hefur nú verið ákveðið að gera sundið að árlegum viðburði. Hugmyndin að baki því er að skapa verðugan íþróttaviðburð með sundi í stöðuvatni og á forsendum sem flestra, með 3 mismunandi vegalengdir.

  • Sundið 2014

    Sundið 2014

  • Sigurvegarar 2014

    Sigurvegarar 2014

  • Fyrstur í mark 2014